【 題外話 • 抵玩機能性軍恤 : Muji Over Shirt 】

0 comments
【 題外話 • 抵玩機能性軍恤 : Muji Over Shirt 】
老實講,男生著衫唔同女生們,變化比較小。個人認為,除咗髮型之外,第二重要一定係外套/褸,個造型 “出唔出” ,有無著得到風格,好多時都關件褸事。
軍事迷如我,對軍恤 /Work Coat 一向情有獨鍾,貪佢夠實用方便,咩都放入衫袋。如果你都有睇開中古品的話都會知永遠不太合身 (由於軍用設定所需),其實現在亦有不少美日潮牌引入軍恤,剪裁改善不少,不過價錢就.....
正當我仲喺度尋覓緊一件深藍色既軍恤既時候,無諗過又比我喺無印搵到!
一直都覺得無印既女裝比男裝出色太多 (至少呢兩三年都係!),不過見收工無咩做patpat痕又行下。一開始睇以為自己眼花睇錯,無印心諗: 點會用呢種格仔布料呀大佬咪玩啦!點知一大開真係幾靚仔!望望個價錢,$380! 唔係呀,隔離都恤衫都$250 啦,眼見 s碼得返一件,算啦,都係要我跌錢先安落。
呢件命為Over Shit 的外套,除咗用料似軍恤,鈕扣都用咗類似既款式,剪裁亦一如往常的啱啱好,兩側仲加咗衫袋,即刻方便咗好多。雖然多咗兩行線,有小小破壞咗軍恤既原汁原味
不過唔緊要,試下新製既都好。
亦因為咁,一共三色既佢,我都係揀深藍,希望佢唔覺眼。其餘既卡其同軍綠其實都好得,洗水味更出,抵買!

Leave a comment

All blog comments are checked prior to publishing
HKD